Liverpool vs Chelsea 2010 оны 11 сарийн 7 [шууд]

Тоглолт Монголын цагаар бүтэн сайны орой 00.00 цагаас Ливерпүүл маань Анфелдэдээ Челсиг хүлээн авна. Өнгөрсөн жилийн 37-р тойрог талбай дээрээ Челсид 2-0 хожигдож байсан билээ. Энэ удаагийн тоглолт Ливерпүүлийн хувьд тун чухал тоглолт юм. Учир нь хожигдвол 2 жилийн хугацаанд Челсиг хожоогүй, мөн хүснэгтийн хасагдах хэсэгт очиж магадгүй байдалтай байна. Ливерпүүлийн сүүлийн гурван тоглолт дарааллан хожоод байгаа билээ. Өнгөрсөн шөнийн тоглолтонд Стивен Жеррард хеттрик хийж өөрийгөө гайхалтай формтой байгаагаа харуулсан. Челсигийн хувьд улирал эхэлсэнээс хойш гайхалтай амжилттай яваа билээ, тэд Манчестер Сити-д хожигдсоноос өөр хожигдол битгий хэл, оноо ч алдаагүй явна.
Ливерпүүлийн гарааны 11: Рейна, Жонсон, Каррагер, Шкртел, Кончески, Мейрелеш, Лукас, Куйт, Жеррард, Иовонович, Торрес гэж гарах төлөвтэй байна. Сэлгээнд: Жонес, Кириакос, Аурелио, Поулсен, Макси, Нгог
Челсигийн гарааны 11: Чех, Иванович, Алекс, Терри, А.Коул, Микел, Лампард, Эссейн, Дрогва, Анелка, Калу гэж гарах магадлал өндөр байна. Нэлээн довтолгооны бүрэлдэхүүн харагдаж байна.
Манай багийн хувьд хамгаалалтандаа сайн анхаарахгүй бол хэцүүхэн харагдаж байна. Хамгаалж байгаад сөрөг довтолгоогоор гоолдох гарц хайвал илүү дээр болов уу.