Сагсан бөмбөгийн ДАШТ-ий шөвгийн 16 тодорлоо

Турк улсад үргэлжилж буй сагсан бөмбөгийн дэлхийн аварга шалгаруулах тэмцээний хэсгийн сүүлийн тоглолтууд өчигдөр болж, хасагдах шатанд өрсөлдөх 16 багийн нэрс тодорлоо.
 “В” хэсэгт сугалаа таарсан АНУ-ын баг өчигдөр Станбул хотноо Тунисын багтай тоглож, 92:57 харьцаатай төвөггүй хожсоноор 100 хувийн амжилтаар хэсгээ манлайлсан байна. Харин тэднийг хасагдах шатанд харьцангуй сул өрсөлдөгч болох Анголын баг хүлээж байгаа юм.

Мөн өчигдөр Литвийн шигшээ 84:66 харьцаатай Ливаны багийг хожсоноор таван хожилтой болж, “D” хэсэгт тэргүүн байрт бичигджээ. Харин тэдний араас дэлхийн аварга цолоо хамгаалан өрсөлдөж буй Испани болон Шинэ Зеланд, Францын багууд ижил найман оноотойгоор хасагдах шатанд өрсөлдөх эрхээ авсан байна.
Дэлхийн аваргын хасагдах шатны тоглолт маргаашнаас эхлэх бөгөөд шөвгийн наймын тоглолт 8-наас эхлэх юм.
Хасагдах шатны оноолт:
АНУ – Ангол
ОХУ – Шинэ Зеланд
Литва – БНХАУ
Аргентин – Бразил
Серби – Хорват
Испани – Грек
Турк – Франц
Словень – Австрали